×
अर्थ डेली प्रकाशित: २०७६-१-२४ गते

यो वर्षको रमजान सुरु

काठमाडौँ । इस्लाम धर्मावलम्बीहरूको रमजान पर्व मंगलबारदेखि सुरु भएको छ । इस्लामी पात्रो हिजरी संवत् अनुसार इस्लाम धर्मालम्बीहरूको नवौँ महिनालाई ‘रमजान’ भनिन्छ ।

यो महिनाभर दिनभर केही पनि नखाइ निराहार रोजा (व्रत) बस्ने गर्छन् । इस्लाम धर्मावलम्बीहरूको आठौँ महिना अर्थात् ‘साबान’ महिनाको अन्तिम दिनमा आकाशमा चन्द्रमा उदाएपछि रोजा सुरू हुन्छ ।

रमजान सुरू भएको दिनदेखि बिहान व्रत सुरू हुनुपूर्व र साँझ व्रत तोडिनुअघि हरेक दिन नियमितरूपमा नमाज पढ्ने चलन छ ।

व्रत समयावधिभर होहल्ला नगरी एकदमै अनुशासित तरिकाले बस्नुपर्ने भएकाले संयमित भएर व्रत बस्ने चलन रहेको इस्लाम धर्मावलम्बीहरू बताउँछन् । यो महिनाभर व्रत बस्नाले आँटेको पूरा हुने विश्वास गरिन्छ ।

रोजा बस्ने व्यक्तिले सूर्योदय हुनुपूर्व अर्थात बिहान चार बजेभन्दा अघिदेखि सूर्यास्त नहुन्जेलसम्म अर्थात साँझ सात बज्नुभन्दा अघिसम्म कुनै पनि खानेकुरा खाँदैनन् । रोजा बस्नाले मानिसमा आज्ञापालन, अनुशासन, नम्रता, संयम, सहनशीलता, सदाचारी, त्याग, परोपकार, दया, दानशीलतालगायतका आचरणमा विकास आउने विश्वास छ ।

रमजानको पहिलो दशदिन रहमनावाला (दयारकृपा) दोस्रो दश दिन वर्कतवाला र तेस्रो दश दिन मग्फिरत (छुटकारा) हुने दिनको रूपमा लिइन्छ । रमजानको २० औँ दिनदेखि भने रोजा बस्ने व्यक्तिले राति नमाज पढ्ने, कुरान पढ्ने आदि गरेर इत्तकाफ बस्नुपर्ने चलन रहेको छ ।

रमजान सकिने दिन अर्थात् ३० दिनको रोजा सकिएको भोलिपल्ट कष्टकर व्रतबाट छुटकारा पाएको भन्दै धुमधाम तरिकाले खुशीयालीका साथ ‘इदउल फित्र’ पर्व मनाउने चलन छ। मुसलमान समुदायको लागि यो खुशीयालीको पर्व हो।

सम्बन्धित विषय:

फेसबुकबाट तपाईको प्रतिक्रिया

0 Comments

mgid.com, 313862, DIRECT, d4c29acad76ce94f
Loading...

सम्बन्धित समाचार

बागेश्वरी मन्दिरको जग्गा हिनामिना : ८४ बिघा व्यक्तिका नाममा

बागेश्वरी मन्दिरको जग्गा हिनामिना : ८४ बिघा व्यक्तिका नाममा

नेपालगन्ज - पश्चिम नेपालको प्रसिद्ध शक्तिपीठ बागेश्वरी मन्दिरको ८४ बिघा जग्गा विभिन्न व्यक्तिका नाममा रहेको तथ्य बा..

४० मन्दिर गायब, भूमाफियाले जग्गासंगै मूर्तिसमेत छोडेनन्

४०  मन्दिर गायब, भूमाफियाले जग्गासंगै मूर्तिसमेत छोडेनन्

२५ वर्षअघिसम्म जनकपुरमा टोलैपिच्छे मन्दिर र कुटी भेटिन्थे । यतिबेला ती मन्दिर र कुटी छैनन् । मन्दिर र कुटी त हराए&n..

पशुपतिनाथको ५६ वर्षयताको सम्पत्ति सार्वजनिक, मूल ढुकुटीको विवरण गोप्य

पशुपतिनाथको ५६ वर्षयताको सम्पत्ति सार्वजनिक,  मूल ढुकुटीको विवरण गोप्य

पशुपतिनाथ मन्दिरको ५६ वर्षयताको अचल सम्पत्ति र परापूर्वकालमा राखिएको गुठीको जग्गाको विवरण सार्वजनिक गरिएको छ । पशुप..

युएईमा गौतम बुद्धको २५६३ औं जन्म जयन्ती मनाईदै

युएईमा  गौतम बुद्धको २५६३ औं जन्म जयन्ती मनाईदै

 नेपाल आदिवासी जनजाति महासंघ युएई लगायत महासंघ मातहतका ११ ओटा जातिय संघ संस्थाहरुको संयुक्त आयोजनामा युएईमा मह..