×
अर्थ डेली प्रकाशित: २०७६-५-१३ गते

विदेशी पाहुनाका साथ इन्द्रजात्रा मनाइने

यस वर्षको इन्द्रजात्रा अन्तर्राष्ट्रिय पाहुनाका साथ मनाउने तयारी भएको छ । नेपाल पर्यटन वर्ष २०२० लाई समेत लक्षित गरी अन्तर्राष्ट्रिय पाहुनाका साथ इन्द्रजात्रा मनाउन लागिएको हो । स्वदेशी तथा विदेशी पाहुनालाई देखाउन भक्तपुर गलसीपुखुको महाकाली नाचका चार वर्षदेखि सत्तरी वर्ष उमेरका नर्तकीले अहिले नाचको अभ्यास थालेका छन् । काठमाडौँ महानगरपालिका हनुमानढोका दरबार संरक्षण कार्यक्रम कार्यालय प्रमुख उदय पसः खलःका अनुसार भदौ २६ गतेसम्म अन्तर्राष्ट्रिय पाहुना काठमाडौँ आइसक्ने छन् । उहाँका अनुसार नेपालको अनुपम सांस्कृतिक पक्षलाई अन्तर्राष्ट्रिय प्रसारका लागि इन्द्रजात्रा महìवपूर्ण पर्व हो । 

भारत, चीन, अमेरिका, जापान, बङ्गलदेश भुटानलगायतका देशका विभिन्न महानगरबाट इन्द्रजात्रामा प्रतिनिधित्व हुने काठमाडौँ महानगरले जनाएको छ । काठमाडौँ महानगरका अनुसार भक्तपुरको महाकाली नाच, ख्याउरा, माकप्याँखलगायत किलागलको पुलुकिसी, हल्चोकको भैरव, मजिपाटको लाखे दसअवतार, स्वच्छन्द भैरव, आकाश भैरव, श्वेतकाली लगायतका नाच प्रस्तुत गर्ने तयारी भएको छ । महानगरपालिका कार्यान्वयन विभाग प्रमुख धनपति सापकोटाले यसका लागि बाटो व्यवस्थापन, नगर सौन्दर्यको कार्य सुरु भइसकेको जानकारी दिनुभएको छ ।

गुठी संस्थानका उपप्रशासक जयप्रसाद रेग्मीका अनुसार संस्थानका अध्यक्ष मीनराज चोधरीको अध्यक्षतामा जात्रा व्यवस्थापन विषयमा गहन परामर्श आयोजना भएको छ । कुमारी, गणेश र भैरवको रथयात्रालाई यो पल्ट विदेशी पाहुनाले सहज रूपमा अवलोकन र अध्ययन गर्न सकून् भन्ने विषयमा संस्थानले जात्राका सम्बद्ध रकमी कर्मचारीसँग परामर्श थालिसकेको छ । 

भक्तपुर महाकाली नाचका मूलनाइके तुल्सीनारायण दण्डेख्याले पाहुनालाई भक्तपुरको यो नाचको स्वाद प्रदर्शन गर्नेगरी नाचका सम्बद्धले अभ्यास गरिरहेको जानकारी दिनुभएको छ । सिन्ह स्वाँ खलः का निरन श्रेष्ठ, श्रीकुमारी क्लबका राजकल्याण ताम्राकार, सिद्धिचरण चोक दफ्तर क्लबका राकेश शाही, मखन मादेव क्लबका राजन महर्जनलगायत जैसिदेवल युवा क्लबका सबै जात्रा व्यवस्थापनमा सहभागी हुनेछन्  । 

लगनटोलका अनुज शाक्यका अनुसार काठमाडौँ भित्री सहरमा जात्राको चहलपहल सुरु भइसकेको छ । अन्तर्राष्ट्रिय पाहुनाको आगमन हुने भएकाले अन्य बेलाभन्दा योपल्ट जात्रामा सहभागी सहरबासीले जात्राप्रति निकै चासो दिएका छन् । इन्द्रजात्रा भदौ २७ गते परेको छ, यसो भए पनि साताभन्दा अगावै यहाँ जात्राको गतिविधि भएको छ । आजको गोरखापत्र दैनिकमा समाचार छ। 

नेपाल पञ्चाङ्ग निर्णायक समितिले भदौ १५ गते लिङ्गोको काठ ल्याउन वन प्रवेश र रूख काट्ने १५ गते, लिङ्गो काठमाडौँ नगर प्रवेश गर्ने २० गते, इन्द्रध्वजोत्थान २४ गते २७ गते जैसिदेवलतर्फ कुमारी रथयात्रा २८ गते ठहिँटीतर्फ र नानीचायात्रा भनेर किलागलतर्फ ३१ गते रथयात्राको दिन तोकेको छ । प्रचलनअनुसार यो साइतलाई हनुमानढोका दरबार प्रवेशद्वारमा टाँस भएको दरबारका पर्वपूजा संयोजक मिठाराम पुडासैनीले जानकारी दिनुभएको छ । पुडासैनीका अनुसार जात्रालाई व्यवस्थित रूपमा सञ्चालन गर्न समयमै रकमी यात्रासँग सम्बद्ध गुठियार कर्मचारीलाई निर्देशन दिइएको छ ।  

सम्बन्धित विषय:

फेसबुकबाट तपाईको प्रतिक्रिया

0 Comments

mgid.com, 313862, DIRECT, d4c29acad76ce94f
Loading...

सम्बन्धित समाचार

आज ऋषि पञ्चमी, सप्तऋषिको पूजा गरी मनाइँदै

आज ऋषि पञ्चमी, सप्तऋषिको पूजा गरी मनाइँदै

काठमाडौं । भाद्र शुक्ल पञ्चमीका दिन मनाइने ऋषि पञ्चमी आज नेपाली नारीहरुले अरुन्धतीसहित सप्त ऋषिको पूजा आराधना गरी म..

आज भोटो देखाउने जात्रा,काठमाडौं उपत्यकामा सार्वजनिक बिदा

आज भोटो देखाउने जात्रा,काठमाडौं उपत्यकामा सार्वजनिक बिदा

काठमाडौं । वर्षा र सहकालका देवता रातो मछिन्द्रनाथको भोटो आज देखाइदै छ । एक महिनाअगाडिबाट सुरु भएको जात्रा ललितपुरको..

आज मातातीर्थ औँसी, आमाको मुख हेर्ने दिन

आज मातातीर्थ औँसी, आमाको मुख हेर्ने दिन

काठमाडौं । जन्मदिने आमाप्रति श्रद्धा, भक्ति, सम्मान र आदर व्यक्त गरी मातातीर्थ औँसी मनाइँदैछ । प्रत्येक वर्षको वैशा..

भेलुखेलमा उठाइएको लिङ्गो हेर्न भक्तपुरमा हजारौँको घुइँचो

भेलुखेलमा  उठाइएको लिङ्गो हेर्न भक्तपुरमा   हजारौँको घुइँचो

भेलुखेलमा हिजो साँझ उठाइएको लिङ्गो हेर्न भक्तपुर, काठमाडौं, ललितपुर, काभ्रेलगायतका विभिन्न जिल्लाबाट आउदा हजारौँको..