images
images

बुधवार , २०७६ फाल्गुण  १४ ( Wednesday , 2020 Feb 26 )

अभिनेता नीर शाह लाइफ टाइम एचिभमेन्ट अवार्ड’बाट सम्मान

अर्थ डेली

प्रकाशित: २०७६-८-१० गते

काठमाडौं । जापानको टोकियोमा सम्पन्न ‘सूर्य इन्टरनेसनल अवार्ड–२०१९’मा अभिनेता नीर शाहलाई ‘सूर्य लाइफ टाइम एचिभमेन्ट अवार्ड’बाट सम्मान गरिएको छ । यस्तै, सूर्य रत्न अवार्डबाट महजोडीलाई सम्मान गरियो । यसैगरी, नेपाल वायुसेवा निगमका क्याप्टेन तथा अभिनेता विजय लामालाई ‘सूर्य कलाकारिता सम्मान–२०१९’ प्रदान गरियो । निर्देशक तथा पत्रकार लक्ष्मण सुवेदीलाई २५ हजार जापानी येनसहित उत्कृष्ट फिल्मी पत्रकारिता अवार्ड प्रदान गरियो ।

पपुलर निर्देशकको अवार्ड ‘छ माया छपक्कै’बाट दीपाश्री निरौलाले पाएकी छन् । यस्तै, फिल्म ‘गोपी’का निर्देशक दीपेन्द्र लामा उत्कृष्ट निर्देशक घोषित भए । पपुलर अभिनेताको अवार्ड फिल्म ‘क्याप्टेन’का अनमोल केसीले पाएका छन । अभिनेत्री साम्राज्ञी राज्यलक्ष्मी शाहले फिल्म ‘कायरा’बाट पपुलर अभिनेत्रीको अवार्ड पाइन् । यस्तै, पपुलर सह–अभिनेत्रीको अवार्ड फिल्म ‘गोपी’का लागि वर्षा राउतले पाइन् ।

क्रिटिक विधातर्फ फिल्म ‘प्रसाद’को राम्रो पकड देखियो । क्रिटिक उत्कृष्ट फिल्म ‘प्रसाद’ तथा उत्कृष्ट अभिनेता र अभिनेत्रीमा विपिन कार्की र नम्रता श्रेष्ठ घोषित भए । आधुनिक गीततर्फ ‘पिरिम नलाउने’ बोलको गीतका लागि मेलिना राई उत्कृष्ट गायिका घोषित भइन् । ‘मोहनी’ बोलको गीतका लागि राजेशपायल राई उत्कृष्ट आधुनिक गायक भए । पप गीततर्फ ‘कर्के नजर’का लागि गायक संजीव पराजुली र गायिका टीका प्रसाईं उत्कृष्ट घोषित भए ।

सम्बन्धित विषय:

प्रतिक्रिया दिनुहोस्

सम्बन्धित समाचार

समाचार

महत्वपूर्ण लिङ्क

सामाजिक संजाल

सम्पर्क

भैरवी मिडिया प्रालि
Putalisadak Kathmandu,Nepal
प्रकाशक: गोकर्ण बराल
सम्पादक: रेशम बाबु बि.क.
9851165011
[email protected]
[email protected]
Post Box No. 855