images
images

शुक्रवार , २०७६ फाल्गुण  १६ ( Friday , 2020 Feb 28 )

‘परदेशी २’मा प्रकाश सपुत हिरो, भन्छन्–‘राम्रो कथाले तान्यो’

अर्थ डेली

प्रकाशित: २०७६-९-१५ गते

‘बोल माया, गलबन्दी’ जस्ता सफल गीतका गायक प्रकाश सपुतलाई अब भने ठुलो पर्दामा दर्शकले हेर्न पाउने भएका छन् । वि.सं २०७२ सालको सुपरहिट चलचित्र ‘परदेशी’को दोस्रो सिरिज ‘परदेशी २’बाट उनले ठुलो पर्दामा डेब्यु गर्न लागेका हुन् ।

नारायण रायमाझीले निर्देशन गर्ने यो चलचित्रको लागि प्रकाशसँग कागजी सम्झौता भइसकेको छ । प्रकाश सपुत आफ्नो रुचिको विषय भएकाले चलचित्रमा काम गर्न लागेको बताउँछन् । उनले भने–‘चलचित्रमा काम गर्ने मेरो सानै उमेर देखिको रहर हो । तर, रहर भन्दैमा आफ्नो अहिले भइरहेको करिअरलाई असर पर्ने गरि काम भने गर्ने छैन ।’

‘दोहोरी ब्याटल’ हिट भएसँगै प्रकाशलाई धेरै चलचिबाट अफर आएका थिए । ‘बोल माया र गलबन्दी’को सफलताले उनलाई चलचित्र मेकिङको पनि अफर नआएको होइन । तर, आफूलाई मन पर्ने चलचित्र नपाएपछि उनी पछि हटेका थिए । प्रकाश भन्छन्–‘यो चलचित्रमा भने टिम पनि राम्रो हुनुहुन्छ । चलचित्रको विषयबस्तु पनि राम्रो छ । त्यसैले काम गर्न तयार भएको हुँ ।’

‘परदेशी २’ ले वैदेशिक रोजगारमा लागेका युवाहरुको कथा भन्नेछ । चलचित्रको अहिले कथामा काम भैरहेको छ । चलचित्रको लागि नायिकाको खोजी भने भैरहेको छ । चलचित्रलाई आउँदो बर्षको दशैंमा रिलिज गर्ने योजना निर्माणपक्षले लिएको छ ।

सम्बन्धित विषय:

प्रतिक्रिया दिनुहोस्

सम्बन्धित समाचार

समाचार

महत्वपूर्ण लिङ्क

सामाजिक संजाल

सम्पर्क

भैरवी मिडिया प्रालि
Putalisadak Kathmandu,Nepal
प्रकाशक: गोकर्ण बराल
सम्पादक: रेशम बाबु बि.क.
9851165011
[email protected]
[email protected]
Post Box No. 855