images
images

मंगलवार , २०७६ चैत्र  २५ ( Tuesday , 2020 Apr 07 )

सुनसरीको दुर्घटना अपडेट : मृतकको संख्या चार पुग्यो

अर्थ डेली

प्रकाशित: २०७६-१०-१९ गते

विराटनगर । सुनसरीको इनरुवास्थित तित्रिवना सडकखण्डमा बस र माइक्रोबस जुध्दा मृत्यु हुनेहरुको संख्या चार पुगेको छ ।

मृत्यु हुनेमा माइक्रो बसका चालक धादिङको बैरेनी ३ का दीपक खड्का, झापा भद्रपुर ५ की ६५ वर्षीया डोलकुमारी कोइराला, उनका श्रीमान हेमराज कोइराला र झापा चन्द्रगढीकी गरिमा पौडेलको मृत्यु भएका जिल्ला प्रहरी कार्यालय सुनसरीले जनाएको छ ।

दुर्घटनामा १५ जना घाइते भएका छन् । ९ जनाको गोल्डेन अस्पतालमा, ४ जनाको एपेक्स अस्पतालमा र २ जनाको बीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ ।

झापाबाट काठमाडौं जाँदै गरेको बा ५ ख ३१५७ नम्बरको हाइस माइक्रो र विपरीत दिशाबाट आउँदै गरेको ना ६ ख ७०५ नम्बरको बस आइतबार बिहान सवा ७ बजेतिर सुनसरीको रामधुनी नगरपालिका २ कृषिफर्म नजिक आपसमा ठोक्किएका थिए ।

बस चालकलाई नियन्त्रणमा लिएको इलाका प्रहरी कार्यालय पकलीले जनाएको छ ।

यसैबीच सर्लाहीको गोडैता नगरपालिका ७ मोहनचोकमा शनिबार मध्यराति भारतीय नम्बरको मोटरसाइकललाई नम्बर नखुलेको सवारी साधनले ठक्कर दिँदा २ जनाको मृत्यु भएको छ । दुर्घटनामा मोटरसाइकल चालक मलंगवा नगरपालिका २ का २० वर्षीय उपेन्द्र सोनर र २० वर्षीय राजेन्द्र यादवको मृत्यु भएको हो ।

यसैगरी काठमाडौंको गोकर्णेश्वर नगरपालिका ५ जोरपाटीमा आइतबार बिहान माइक्रो बसको ठक्करबाट एक जना मोटरसाइकल चालक घाइते भएका छन् । घाइते भएका चालक नुवाकोट घर भई हाल कपन बस्ने ३० वर्षीय पूर्णबहादुर तामाङ छन् । उनको नेपाल मेडिकल कलेज अत्तरखेलमा उपचार भैरहेको छ ।

आइतबार बिहान ५ बजे तामाङले चलाएको बा २६ प ३५ नम्बरको मोटरसाइकललाई ना ५ ख ३५९ नम्बरको हाइस माइक्रो बसले ठक्कर दिएको थियो । दुवै सवारी साधन र माइक्रो चालकलाई प्रहरी वृत्त बौद्धले नियन्त्रणमा लिएको छ ।

सम्बन्धित विषय:

प्रतिक्रिया दिनुहोस्

सम्बन्धित समाचार

समाचार

महत्वपूर्ण लिङ्क

सामाजिक संजाल

सम्पर्क

भैरवी मिडिया प्रालि
Putalisadak Kathmandu,Nepal
प्रकाशक: गोकर्ण बराल
सम्पादक: रेशम बाबु बि.क.
9851165011
[email protected]
[email protected]
Post Box No. 855