images
images

मंगलवार , २०७६ चैत्र  २५ ( Tuesday , 2020 Apr 07 )

गरिबीलाई काखी च्यापेर समाजवादमा पुगिन्न : उपाध्यक्ष भट्टराई

अर्थ डेली

प्रकाशित: २०७६-११-१४ गते

गरिबी निवारण कोषका उपाध्यक्ष निर्मल भट्टराईले देशमा विद्यमान गरिबी बोकेर समाजवादको गन्तव्य तय गर्न नसकिने बताएका छन् । सिन्धुली जिल्ला समन्वय समितिले गरिबी निवारण कार्यक्रमलाई प्रभावकारी बनाउने सन्दर्भमा आयोजित एक अन्तरक्रियामा उनले सो कुरा बताएका हुन् ।

उनले अघि भने-‘समाजवाद उन्मुख अर्थ व्यवस्थाको परिकल्पना गरेको नेपालको संविधानले गरिबी निवारणलाई संघीय, प्रादेशिक र स्थानीय सरकारको कार्य क्षेत्रमा पारिदिएकाले सबै सरकारको समन्वयमा गरिबी निवारणका आगामी कार्यक्रमलाई प्रभावकारी ढंगले सञ्चालन गर्नु पर्छ’ ।

सिन्धुली जिल्ला समन्वय समितिका प्रमुख शंकरराज तिवारी बर्माले गरिबी निवारण कोषद्वारा प्रवर्धित सामुदायिक संस्थाहरुको घुम्ती कोषमा आफ्नो जिल्लामा रहेको करिब ४८ करोड रकमको आगामी दिनमा प्रभावकारी ढंगले परिचालन गरिने बताए ।

सो कार्यक्रमा जिल्ला समन्वय अधिकारी डिकबहादुर कार्की, जिल्ला समन्वय समिति सदस्यहरु गंगा कार्की, विन्दा परियार र एलान बम्जनले गरिबी निवारणका आगामी कार्यक्रमबारे सुझाव प्रस्तुत गरेका थिए । कोषका शाखा अधिकृत राममणी अधिकारीले कोषका पछिल्ला निर्णयहरुमाथि प्रकाश पारे ।

प्रतिक्रिया दिनुहोस्

सम्बन्धित समाचार

समाचार

महत्वपूर्ण लिङ्क

सामाजिक संजाल

सम्पर्क

भैरवी मिडिया प्रालि
Putalisadak Kathmandu,Nepal
प्रकाशक: गोकर्ण बराल
सम्पादक: रेशम बाबु बि.क.
9851165011
[email protected]
[email protected]
Post Box No. 855