images
images

मंगलवार , २०७६ चैत्र  १८ ( Tuesday , 2020 Mar 31 )

कोरोना भाइरसक कारण आफ्ना कर्मचारीलाई घरबाटै काम गर्न ट्वीटरको आग्रह

अर्थ डेली

प्रकाशित: २०७६-११-२० गते

काठमाडौं । माइक्रो ब्लगिङका लागि चर्चित अमेरिकी सामाजिक सञ्जाल ट्वीटरले आफ्ना कर्मचारीलाई घरैबाट काम गर्न निर्देशन दिएको छ।

कोरोनाभाइरस विश्वव्यापी बन्दै गएपछि ट्वीटरले सङ्क्रमणबाट जोगिन आफ्ना कर्मचारीलाई घरबाटै काम गर्न निर्देशन दिएको बीबीसीले जनाएको छ।

एउटा ब्लगमार्फत् कम्पनीले सो निर्देशन हङ‍्कङ, जापान र दक्षिण कोरियामा रहेका आफ्ना कर्मचारीलाई अनिवार्य लागु हुने बताएको छ।

ट्विटरले संसारभरिका आफ्ना ५,००० कर्मचारीलाई पनि कार्यालय नआई काम गर्न प्रोत्साहन गरेको बताएको छ।

यो निर्देशन ट्विटरले कर्मचारीलाई अत्यावश्यकबाहेक अन्य व्यावसायिक यात्रा र कार्यक्रममाथि रोक लगाएको भोलिपल्ट आएको हो।

ट्विटरको मानवसंशाधन विभागका प्रमुख जेनिफर क्रिस्टीले भनिन्,‘हाम्रो लक्ष्य हाम्रो वरपर र हामीवरपरको विश्वमा कोभिद–१९ फैलिने सम्भावना कम गर्नु हो।’
ट्विटरले केही समययता घरबाट काम गर्ने तरिका विकास गरिरहेको पनि बताइएको छ।

ट्विटरका प्रमुख कार्यकारी ज्याक डोर्सीले लामो समयदेखि घरबाट काम गर्न कुराको समर्थन गरेका छन् र गएको नोभेम्बरमा उनले छ महिना अफ्रिकामा बिताउने बताएका थिए।

सम्बन्धित विषय:

प्रतिक्रिया दिनुहोस्

सम्बन्धित समाचार

समाचार

महत्वपूर्ण लिङ्क

सामाजिक संजाल

सम्पर्क

भैरवी मिडिया प्रालि
Putalisadak Kathmandu,Nepal
प्रकाशक: गोकर्ण बराल
सम्पादक: रेशम बाबु बि.क.
9851165011
[email protected]
[email protected]
Post Box No. 855