सोमबार, भाद्र १ गते २०८३
चितवन । चितवनमा एक बालिकासहित थप १२ जनामा कोरोना संक्रमण पुष्टि भएको छ ।
कोभिड–१९ प्रयोगशालामा गएराति गरिएको परीक्षणमा पाँच बर्षीया बालिकासहित ७ जना महिला र ५ जना पुरुषमा कोरोना संक्रमण पुष्टि भएको डा. नीतु अधिकारीले जानकारी दिइन् ।
संक्रमितहरु सबै भरतपुर महानगरपालिकाका हुन् । महानगरपालिकाका वडा नं। ७, ९, १०, ११ र १२ मा फेला परेका हुन् ।
भरतपुर अस्पतालको कोभिड–१९ प्रयोगशालामा आइतबार २०९ वटा नमुना परीक्षण गरिएको थियो ।
