मंगलबार, भाद्र २ गते २०८३
काठमाडौं । बोलिभियामा चुनावपछि जारी हिंसाका बीच एक महिला मेयरमाथि सार्वजनिक रुपमै आक्रमण भएको छ ।
सत्तारुढ दलकी ती मेयरको कपाल काटेर अनुहारमा रंग पोतिदिँदै सडकमा पैदल हिँडाइएको थियो । अन्तर्राष्ट्रिय मिडियाका अनुसार उनीमाथि विपक्षी दल समर्थक भीडले यस्तो दुव्र्यवहार गरेको हो ।
यहाँ सम्पन्न चुनावपछि विपक्षीलले धाँधली भएको भन्दै विरोध गर्दैआएको छ । इबो मोरालेस नेतृत्वको सरकारले प्रदर्शनलाई दबाउन बल प्रयोग गर्दैआएको छ ।
यस क्रममा एकजना २० वर्षीय विद्यार्थीको मृत्यु भइसकेको छ ।
हिंसात्मक घटना भइरहँदा विपक्षी भीडले हालै प्याट्रिसिया आर्स नामकी मेयरमाथि दुव्र्यवहार गरेको हो । राष्ट्रपति मोरालेसले भने यस्तो घटनाको निन्दा गरेका छन् । प्याट्रिसिया मोरालेसको समाजवादी पार्टीकी सदस्य समेत हुन् । ‘ती मान्छेका लागि महिला हुनु अपराध हो, समझदार हुनु अपराध हो, स्कर्ट लगाउनु अपराध हो,’ उपराष्ट्रपति अल्बारो गार्सियाले भनिन् ।
