मंगलबार, भाद्र २ गते २०८३
काठमाडौं । कोरोना भाइरस संक्रमण फैलिन नदिनका लागि सम्भावित संक्रमितलाई क्वारेन्टाइनमा राख्नका लागि प्रयोग गरिँदै आएको चीनको एक होटल भत्किँदा चारजनाको मृत्यु भएको छ । अरु २९ जनाको अवस्था थाहा हुन नसकेको चिनियाँ सरकारी समाचार संस्थाले जनाएको छ ।
चीनको चेङ्झोउमा रहेको होटल भत्किएको हो । ७१ फसेका मध्ये ३८ जनालाई आइतबार बिहानसम्म भत्किएको भवनबाट निकालिएको चीनको सरकारी सञ्चारमाध्यमले जनाएको छ ।
पाँच तले भवन भत्किएको हो । फुजियान प्रान्तको शहरमा रहेको होटल भत्किएको हो । भवन के कारणले भत्किएको हो भन्ने खुलेको छैन । सन् २०१८ मा सञ्चालनमा आएको सो होटलमा पाहुनाका लागि ८० वटा कोठा थिए ।
