मंगलबार, भाद्र २ गते २०८३
एजेन्सी । अमेरिकामा कोरोना संक्रमित विरामीहरुको उपचारमा प्रयोग गरिंदै आएको भारतीय औषधि हाइड्रोक्सिक्लोरोक्विन प्रयोगमा रोक लगाइएको छ ।
अमेरिकाको सरकारी निकाय फूड एण्ड एडमिनिस्ट्रेशन (एफडिए) ले कोरोना संक्रमित विरामीहरुमा मलेरियाको उपचारमा प्रयोग हुने हाइड्रोक्सिक्लोरोक्विनको प्रयोगमा रोक लगाएको हो ।
यद्यपी अमेरिकी राष्ट्रपति डोनाल्ड ट्रम्पले भने यो निर्णयलाई अस्विकार गरेका छन । कोरोना संक्रमित विरामीको उपचारमा यो औषधि उपयुक्त रहेको आफ्नो दावीमा ट्रम्प अडिग छन ।
७४ बर्षीय ट्रम्पले सोमबार पत्रकारहरुसंग भने, ‘मैले यो औषधि २ हप्तासम्म सेवन गरें । मलाई ठिक छ । कुनै समस्या छैन ।’
हाइड्रोक्सिक्लोरोक्विन औषधिको क्लिनिकल परीक्षणका क्रममा पत्ता लागेका तथ्यहरुको हवाला दिंदै एफडीले भनेको छ, ‘हाइड्रोक्सिक्लोरोक्विन औषधि आपतकालिन अवस्थामा रहेका कोरोना संक्रमित विरामीको उपचारका लागि उपयुक्त छैन ।
यो औषधिले सामान्य अवस्थाका विरामीलाई पनि निको पार्न सक्दैन ।’ यसअघि एफडीले नै हाइड्रोक्सिक्लोरोक्विन प्रयोगको अनुमति दिएको बिबिसीले जनाएको छ ।
