मंगलबार, भाद्र २ गते २०८३
१० पुष, कपिलवस्तु । गत पुष ७ गते शनिबार भएको बलात्कार घटना पैसा लिएर मिलाउन गाँउपालिकाका अध्यक्षले नै दबाब दिएका छन् । कपिलवस्तुको शुद्धोधन गाँउपालिकाकी एक बलात्कृत किशोरीलाई पीडकसँग मिल्न गाँउपालिकाका अध्यक्षले नै दबाब दिएको खुलेको छ । न्युज २४ टेलिभिजनको विशेष कार्यक्रम ‘सीधाकुरा जनतासँग’को ३१८ औं एपिसोडमा सो घटना देखाइएको छ ।
गत पुष ७ गते शनिबार बिहान शुद्धोधन गाँउपालिकाको वडा नम्बर २ मदारगढकी २१ वर्षीया किशोरीलाई सोही स्थानका ३० बर्षिय सोलिन्दर अहिरले जबरजस्ती करणी गरेको युवतीले आरोप लगाएकी छन । गाँउपालिकाका अध्यक्षले केटीको बिवाह नभएकाले मुद्दा हाल्दा धेरै समय जाने र इज्जतको लागि भएपनि पैसामा मिलाउन पहल गरेको तर केटीको बुवाले नमानेको स्वीकार गरेका छन् । घटना गाउँको भएकोले आफुले मिल्न सुझाव मात्र दिएको उनले सीधाकुरा जनतासँग बताएका छन् ।
