मंगलबार, भाद्र २ गते २०८३
काठमाडौं । नेपाल कम्युनिष्ट पार्टी (नेकपा)का अध्यक्षद्वय र वरिष्ठ नेताबीच भेटवार्ता सुरु भएको छ । पार्टीमा देखिएको गतिरोध अन्त्यको प्रयास स्वरुप अध्यक्षद्वय केपी शर्मा ओली, पुष्पकमल दाहाल 'प्रचण्ड' र वरिष्ठ नेता माधव कुमार नेपालबीच प्रधानमन्त्री निवास बालुवाटारमा वार्ता सुरु भएको हो ।
पटक पटक स्थगित गरिएको स्थायी कमिटी बैठक भोलिका लागि तय गरिएको छ । भोलि बिहानसम्म सहमति हुने सम्भावना देखिएमा बैठक फेरि पनि स्थगित हुन सक्ने एक सचिवालय सदस्यले जानकारी दिएका छन् । तर, सहमति नभएमा भने बैठक बस्नुपर्नेमा प्रचण्ड-नेपाल पक्षको जोड छ ।
यसअघि ओली र प्रचण्डबीचका वार्तामा दुवैजनाले आआफ्नै अडान राखेका छन् । एजेण्डागत छलफलसमेत हुन सकेको छैन । आजको वार्तामा एजेण्डागत छलफल गर्ने तयारी छ । आजको त्रिपक्षीय छलफलका आधारमा भोलिको रणनीति बनाइने नेपाल निकट एक स्थायी कमिटी सदस्यले बताएका छन् ।
यसअघि हिजो भएको भेटवार्तामा ओलीले तत्काल दुवै पद नछाड्ने बताएका थिए ।
