सोमबार, भाद्र १ गते २०८३
काठमाडौं । जनकपुर–जयनगररेल सञ्चालनका लागि सरकारले खरिद प्रक्रिया अन्तिम चरणमा पुर्याएको छ । गएको पुस २९ गते रेल खरिद गर्ने निर्णय गरेसँगै भौतिक पूर्वाधार तथा यातायात व्यवस्था मन्त्रालयले रेल सञ्चालनका लागि खरिद प्रक्रिया अन्तिम चरणमा पुर्याएको हो ।
जनकपुरको कुर्थादेखि भारतको जयनगरसम्मका लागि दुई वटा रेलको इन्जिनसहित पाँचदेखि १० वटा डिब्बा खरिद गर्ने प्रक्रिया अन्तिम चरणमा पुगेको मन्त्रालयका सचिव मधुसुधन अधिकारीले बताए । पहिलो चरणमा ३५ किलोमिटर रेलमार्गमा रेल चलाउने सरकारको तयारी छ । रेलमार्गमा एक चरणको परीक्षण सम्पन्न भइसकेको छ ।
