मंगलबार, भाद्र २ गते २०८३
काठमाडौं । अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिएका छन् । राष्ट्रपति कार्यलय शीतल निवासमा राष्ट्रपति विद्यादेवी भण्डारीलाई पाठकले राजीनामापत्र बुझाएको राष्ट्रपति कार्यलयका प्रवक्ता छविन्द्र पराजुलीले जानकारी दिए ।
नेपाल इञ्जिनियरिङ कलेजको विवाद मिलाइदिने भन्दै घुसबापतको रकम लिएको समाचार सार्वजनिक भएसँगै आयुक्त पाठकविरुद्ध सत्तारुढ दल नेपाल कम्युनिष्ट पार्टी नेकपामा महाअभियोग लगाउनेबारे छलफल भएको थियो ।
आजको प्रतिनिधिसभा बैठकमा महाअभियोग दर्ता गर्ने तयारी भएसँगै पाठकले त्यसअघि नै पदबाट राजीनामा दिएका हुन् । तत्कालीन प्रधानमन्त्री सुशील कोइराला अध्यक्ष रहेको संवैधानिक परिषदले २०७१ सालको फागुनमा पाठकलाई आयुक्तमा नियुक्त गरेको थियो ।
अख्तियारमै परेको उजुरी मिलाइदिने भन्दै पाठकले फरक–फरक व्यक्तिबाट ७८ लाख रुपैयाँ लिएको खबर सार्वजनिक भएको थियो ।
