मंगलबार, भाद्र २ गते २०८३
गरिबी निवारण कोषका उपाध्यक्ष निर्मल भट्टराई लाई २ नं प्रदैशका लोपोन्मुख र अल्पसंख्यक जातिले वाराको कलैयामा आयोजित एक समारोहको आयोजना गरि सम्मान गरेका छन् । नेपाल कुसवडिया संघको आयोजनामा सम्पन्न सो कार्यक्रममा राउटे तथा लोपोन्मुख जाति उत्थान प्रतिष्ठानका अध्यक्ष सत्यदेवि खड्कालाई पनि सम्मान गरिएको थियो ।
२ नं प्रदेशका लोपोन्मूख जातिहरुको सूचिकरण र नेपाल सरकारको सामाजिक सुरक्षा कार्यक्रममा उनीहरुलाई समावेश गराउन सहजीकरण गरिदिए वापत उनीहरुले सो सम्मान प्राप्त गरेका हुन् ।
समारोहमा वोल्दै पूर्व मन्त्री तथा नेकपा नेता पुरुषोत्तम पौडेलले कम्युनिष्टहरु आफ्नो वर्गको हितमा अविचलित भएर लाग्नु पर्ने वताए । नेकपाको सरकार गरिब र पिछडिएको वर्गको वृहत्तर हितमा काम गर्नु पर्ने उनको भनाई थियो ।
सम्मानित भट्टराईले पाँच वर्षसम्म कसैले हल्लाउन नसक्ने वर्तमान के पी ओलीको सरकारले चाडै देशको आर्थिक र सामाजिक क्षेत्रमा कायापलट गर्ने बताए ।
कार्यक्रममा सम्मानित सत्यदेवी खड्का , संविधानसभा सदस्य रंजना सरकार कलैया उपमहानगरपालिकाका कार्यकारी अधिकृत हरिनारायण वेलवासे, नेपाल कुसबडिया संघका अध्यक्ष राजु कुसवडियाले आ(आफ्नो मन्तव्य राखेका थिए ।
