शनिबार, श्रावण ३० गते २०८३
माघ ६, वासिङ्टन, रसियाले आणविक क्षेत्रमा खतरनाक र लापरबाहीपूर्ण बक्तब्य जारी गरिरहेको भन्ने समाचार माध्यममा आएका समाचारबारे टिप्पणी गर्न सोधिएको प्रश्नमा अमेरिकाका लागि रुसी राजदूत अनातोली एन्टोनोभले रुसको रणनीतिक पराजय सुनिश्चित गर्ने अमेरिकी प्रशासनको नीतिले विश्वलाई विपत्तितर्फ धकेलिरहेको बताएका छन् । उनले देशको राजनीतिक वा सैन्य नेतृत्वबाट कसैले पनि यस्तो नबोलेको बताए ।
दूतावासको प्रेस सेवाले एन्टोनोभलाई उद्धृत गर्दै भनेको छ, 'हामीले वासिङ्टनलाई युद्धभूमिमा हाम्रो देशको रणनीतिक पराजय सुनिश्चित गर्ने उसको नीतिले विश्वलाई नै विनाशकारी बाटोतर्फ अघी बढन प्रेरित गरिरहेको बताएका छन । अमेरिका र उसका सहयोगीहरूले रुसी भूमिमा रुस विरुद्ध चौतर्फी हाइब्रिड युद्ध सुरु गरेको पनि एन्टोनोभले बताए ।
" अहिले अमेरिकाले सैन्य औद्योगिक परिसरको पुनर्जागरणको लागि वित्त पोषण गर्न बाध्य पारेर आफ्ना नाटो साझेदारहरूबाट लाभ उठाइरहेका छन्। अमेरिकी रक्षा उद्योगले शीतयुद्धको समयमा पनि यस प्रकारको पैसा देखेको थिएन,' रुसी दूतावासको प्रेस सेवाले एन्टोनोभलाई उद्धृत गर्दै लेखेको छ । उनको विचारमा, वासिङ्टन मस्कोको सङ्केतप्रति पूर्णतया बहिरा जस्तै भएको तास न्युजले जनाएको छ ।
अर्थ डेली
